نحوی اور ملاح کی انوکھی کہانی

نحوی اور ملاح کا سمندری سفر

ایک نحوی دریا میں سفر کر رہا تھا بیٹھے بیٹھے کہنے لگا: بابا ! تم ساری زندگی کشتی ہی چلاتے رہے یا کچھ نحو بھی سیکھی۔

ملاح نے کہا: جناب میں نے تو بس کشتی چلانا ہی سیکھی ہے نحو نہیں سیکھی۔ نحوی نے کہا ! بابا: تم نے تو آدھی زندگی برباد کر دی۔ ملاح خاموش ہو گیا۔

کچھ دیر کے بعد دریا میں طغیانی آگئی ملاح نے نحوی سے کہا: دریا بہت بپھرا ہوا ہے یہ کشتی ڈوب جائے گی کیا تمہیں تیرنا آتا ہے ؟ نحوی نے کہا: نہیں۔ ملاح نے کہا: تم نے تو پوری زندگی ضائع کر دی۔

پیغام حکایت: کسی کو حقیر نہیں جاننا چاہیے۔